Plazara itzulera 2020-06-01

Plaza hasi da berriz bertsotan bertsozaleak bertan direla

Plaza hasi da berriz bertsotan bertsozaleak bertan direla
Antzuolan, Bidaion eta Donostian egin dira jada saioak publikoarekin. Antzuolakoa bereziki ikusgarria izan zen irudi aldetik. Ostiral honetan Amasa-Villabonan izango da saioa, Bertsozale Elkartearen eta Lankuren eskutik.

Bertso plaza hasi da oso tantaka bada ere bere onera itzultzeko bidean, baldintza zorretzetan. Aurreko asteazkenean eta ostegunean publikoa bertan zela egin ziren saioak Donostian eta Bedaion. Larunbatean berriz, Antzuolan udako plaza formatoa izan litekeenaren argazkia ikusteko modua izan genuen, bertsozaleak elkarrengatik 2 metroko distantziara eserita.

Beñat Gaztelumendi, Maialen Lujanbio eta Miren Amurizak Antzuolako udaletxeko balkoitik kantatu zuten lehenbizi eta auzotan barrena ibili ziren gero. Antolatzaileek segurtasun protokoloak zorrotz bete zituzten. Irudiak ere deigarriak dira benetan. Bertsoa.eus ere Antzuolan izan zen larunbat goizean eta bihar sareko plazan izango da bertso hautaketa.

 

Ostiralean Amasa-Villabonan

Ostiral honetan bertso plazak beste hitzordu bat du Amasa-Villabonan, Bertsozale Elkartearen eta Lankuren eskutik. Miren Artetxe, Maialen Lujanbio, Haritz Mujika eta Amets Arzallus ariko dira bertsotan Bertsozale Elkarteko egoitzaren atzeko plazan. 18:30etan izango da saioa. Segurtasun neurriak medio, sarrerak aldez aurretik hartu behar dira.

Albiste gehiago

POTOKASTAK - BERTSO UHINAK 2020-06-29

"Eta zergatik bertsoa?"

POTOKASTAK - BERTSO UHINAK 2020-06-15

Gasteizko teilatu gainean etzanda

POTOKASTAK - BERTSO UHINAK 2020-06-07

Uhinak azulejo txurietan

POTOKASTAK - BERTSO UHINAK 2020-06-01

Nolako zapatillak erabiltzen dituzu etxean egoteko?

POTOKASTAK - BERTSO UHINAK 2020-05-18

"Aspaldi da gutunik bidaltzen ez dugula"