Sagardoak elkartzen gaitu ekimena 2020-07-23

Lujanbio eta Laburu bihar Astigarragan

Lujanbio eta Laburu bihar Astigarragan

"Sagardoak elkartzen gaitu" egitasmoaren baitan, bigarren bertso ekitaldia izango da bihar (ostiralean) Astigarragan Astarbe sagardotegian: Maialen Lujanbio eta Agin Laburu ariko dira buruz buru bertsoan, bertso afari-merienda formatuan. Txartelak eskuragai daude www.sagardoa.eus eta www.bertsosarrerak.eus atarietan.

Bertso kutiziak ez ezik, bertsozaleek mokadu bikainaz gozatzeko aukera izango dute bertsotik bertsora: basatxerri urdaiazpiko pintxoa, codchouder, bonito taloa, txuleta pintxoa, euskal gazta taula eta, noski, Astarbe euskal sagardoa jatorri-deitura.

Pasa den uztailaren 8an aurkeztu genuen Gipuzkoako Sagardogileen Elkarteak, Musika Bulegoa Elkarteak eta Bertsozale Elkarteak Sagardoak elkartzen gaitu ekimena, eta lehen saioa pasa den uztailaren 15ean egin zen Adunako Aburuza sagardotegian. Eli Pagola eta Unai Mendizabal aritu ziren bertsotan, Aitor Mendiluzek jarritako gaiei erantzuten. Bertso saioko aleak entzungai dituzue www.bertsoa.eus atarian.

Beste bi saio Astigarragako Petritegin eta Irungo Ola sagardotegian
Uztailaren 27an, Astigarragako Petritegi sagardotegian izango da hurrengo hitzordua: Aitor Mendiluze eta Iker Zubeldia. Musikari, Imanol Kamio. 20:30etan hasita.
Abuztuaren 29an, Irungo Ola sagardotegian: Andoni Egaña, Sebastian Lizaso, Aitor Mendiluze eta Anjel Mari Peñagarikano. 20:30etan.

Albiste gehiago

POTOKASTAK - BERTSO UHINAK 2020-06-29

"Eta zergatik bertsoa?"

POTOKASTAK - BERTSO UHINAK 2020-06-15

Gasteizko teilatu gainean etzanda

POTOKASTAK - BERTSO UHINAK 2020-06-07

Uhinak azulejo txurietan

POTOKASTAK - BERTSO UHINAK 2020-06-01

Nolako zapatillak erabiltzen dituzu etxean egoteko?

POTOKASTAK - BERTSO UHINAK 2020-05-18

"Aspaldi da gutunik bidaltzen ez dugula"