Arabako Eskolarteko txapelketa 2020-10-13

Aitor Ugartek irabazi du Arabako eskolartekoa

6 bertsolari gazte aritu ziren Murgian kantuan: Gasteizko Hegoi Amabizka eta Eukene De los Aires, Aramaioko Danel Herrarte, Gari Arexolaleiba eta Aitor Ugarte, eta Aguraingo Beñat Cano. Larunbat goizeko 12:00etan jokatu zen finala bertan bildutako 80 bertsozaleren aurrean.

Ekaitz Elorriaga, Mikel Fernandez de Arroiabe eta Aitor jimenezek osatu zuten epaimahaia eta Aitor Ugarte txapeldun berriari egurrezko mikrofonoa pasa zion iazko txapeldunak, Aroa Arrizubietak, lekuko gisa.

Finaleko bertsoaldi hautaketa laster sareko plazan.

Euskal Herriko finala azaroaren 14ean

Saran hiru urtetan antolatu ondoren, Abadiñora mugituko da aurten Eskolarteko Euskal Herriko finala. Aitorrek behin baino gehiagotan kantatu du bertan eta Eukenek aurreneko aldiz izango du finalean kantatzeko aukera.