Arabako kuadrillartekoa 2020-10-13

Aramaioko Izenbakuek taldea garaile Arabako kuadrillartekoan

Aramaioko Izenbakuek taldea garaile Arabako kuadrillartekoan
Urtarrilean hasi eta martxotik irailera bitarte geldialdia egin ostean, larunbatean burutu zen Arabako 2020ko bertso kuadrilla artekoa. "Sumendiola bete poto" eta "Konde basoko iluek" taldeak ere aritu ziren Murgiako finalean.

Neurriak neurri eta distantziak distantzia bertsoaz gozatzeko abagune ederra izan zuten larunbatean Murgiako Palatu kirol eremura hurbildu ziren 110 bertsozaleek. Eguerdian Arabako bertsolari gazteen Eskolarteko finala jokatu zen eta arratsaldean berriz, hiruko final handia.

Bat bateko zein idatzizko modalitateetan 12na taldek hartu dute parte txapelketan zehar, guztira 200 lagunetik gora, eta horietatik 3 kuadrillak lortu zuten finalerako txartela.

Sumendiola bete poto (Gasteiz) taldeko Julen Martiartu, Gerezti Unanue, Oier Lakuntza, Maddi Juaristi eta Beñat Garaio aritu ziren kantuan. Konde basoko iluek (Aramaio) taldean Xabi Igoa, Paula Amilburu, Aitor Ugarte eta Martin Abarrategi. Eta azkenik, Izenbakuek (Aramaio) taldekoak Manex Agirre, Danel Herrarte, Andere Arriolabengoa eta Peru Abarrategi izan ziren. 

Finaleko bertsoaldien hautaketa laster sareko plazan.

Albiste gehiago

POTOKASTAK - BERTSO UHINAK 2020-06-29

"Eta zergatik bertsoa?"

POTOKASTAK - BERTSO UHINAK 2020-06-15

Gasteizko teilatu gainean etzanda

POTOKASTAK - BERTSO UHINAK 2020-06-07

Uhinak azulejo txurietan

POTOKASTAK - BERTSO UHINAK 2020-06-01

Nolako zapatillak erabiltzen dituzu etxean egoteko?

POTOKASTAK - BERTSO UHINAK 2020-05-18

"Aspaldi da gutunik bidaltzen ez dugula"