Bardoak 2020 2020-10-16

Hasiera batean martxoaren 28an zen jokatzekoa finala baina pandemiak eragindako 7 hilabeteko etenaldiaren ostean Nafarroako Bardoak azken txanpara iritsiko dira asteburu honetan. 23 saio izan dira guztira eta 3 taldek lortu dute finalean kantatzeko aukera bakoitzak bere kanporaketa irabazita. Atekaberts komeni talde leitzarrak lehendik zeukan sailkapena ziurtatuta, pandemia lehertu aitzin lortu baitzuen finalera pasatzea. Beste bi taldeek ordea orain dela bi aste jokatutako finalerdiak irabazita lortu dute txartela, Berako Lamixene taldeak Jauntsaratsen eta Malerreka-Baztango Bertsonautak-ek Goizuetan.
Nafarroako Gobernuak aste honetan bertan iragarritako neurri berrien ondorioz, antolakuntzak are gehiago murriztu behar izan du ekitaldirako aforoa. Neurriak betetzeko, asko jota 100 lagun bilduko dira finalean. Ondorioz, ez da sarrera gehiagorik salduko, ez aurrez, eta ezta saioaren egunean bertan ere. Saioan, gainera, segurtasun eta osasun prebentziorako neurri guztiak beteko dira: ikus-entzuleen arteko distantziak, desinfekzio neurriak, maskaren erabilera, eta abar. Neurri horiek modu antolatuenean betetzeko, saiora garaiz joateko deialdia luzatu du antolakuntzak. 15:30ean irekiko dira ateak, sarbidea errazteko.
Arabako Txapelketako finala aurkeztu dute gaur Gasteizen 2026-03-25
Xabi Paya Ruiz - 'Ganbarako lana' antzezlanaren egilea 2026-02-17
Aitor Etxebarriazarra Gabiola - Bizkaiko Txapelduna 2025-12-23
Jexux Mari Irazu
Bizkaiko finala larunbatean Bilbon 2025-12-17
Jexux Mari Irazu
Larunbatean 21:00etan ETB1en 2025-12-04
Mirari Martiarena
Nafarroako Bertsolari Txapelketa - Finala 2025-11-21
Jexux Mari Irazu