Ahostegunak 2020 2020-10-20

Badatoz AHOSTEGUNAK! Ostegunean itxiko da izen ematea

18 eta 22 urte bitarteko gazteei zuzendutako saio sorta da Ahostegunak, oinarrian ahozko kultur sorkuntza duena: antzerkia, kantagintza, kontalaritza edota literatura eta bertsolaritza. 

Gazteek beraien artean harreman sarea ehuntzea da helburua, ahozko kultur sorkuntzarekiko duten zaletasuna partekatzea, eta, gainera, bide horretan ez dira bakarrik izango: kultur diziplina horietan aditu diren lagunak izango dituzte bidaide. Azaroaren 12an landuko dute bertsolaritza, eta Eli Pagola eta Odei Barroso izango dira beraiekin. Gainerako egunetan gonbidatu izango dira Olatz Salvador kantautorea, Erika Olaizola aktorea, eta Oier Guillan idazle eta sortzailea.

Doakoa da parte-hartzea, baina ezinbestekoa izango da izena ematea www.mintzola.eus atarian. Gogoratu ostegunera arte izango duzuela izena emateko aukera. 

UPV/EHUko Mikel Laboa Katedrak eta Mintzola Ahozko Lantegiak antolatu du ekimena, Euskaltzaindiaren laguntzarekin.

Xehetasun gehiago, www.mintzola.eus atarian.