XILABA 2020 2020-10-29

XILABA 2020 etetea erabaki da

28 bertsolarirekin, inoizko parte hartzerik jendetsuena izan du aurtengo txapelketak. Guztira 6 saio jokatu ahal izan dira etenaldia iritsi arte, 4 final-laurden eta 2 final-heren. Txapelketak beste final-herenetako saio bat, bi finalerdi eta finala ditu aurretik oraindik.

Txapelketak izan duen harrera ona azpimarratu dute antolatzaileek eta eskerrak eman nahi izan dizkiete bide honetan zehar lagundu duten guztiei; saioetarako gelak utzi dituzten Herriko Etxeak, antolaketan aritu diren laguntzaileak, bertsozaleak eta noski, bertsolari, gai emaile eta epaileak.

Oraindik ez da zehaztu Xilaba berrartzeko data posiblerik. Bitartean, kultura segurua dela sinesturik, bertsolaritza sustatzen segituko duela azpimarratu du Bertsularien Lagunak-ek, ahal den neurrian eta denak plazan laster elkartzeko itxaropenarekin.