HERIOTZA 2020-11-03

Dionisio Mujika antolatzaile eta gai-jartzailea hil da

Dionisio Mujika antolatzaile eta gai-jartzailea hil da
1936an Asteasun jaioa, Lesakan bizi zen aspaldian. 1979an Paulo Yanzi sariketa jarri zuen martxan, gerora Nafarroako Bertsolari Txapelketa bihurtuko zena.

Igandean zendu zen Dionisio Mujika Arrue (Asteasu, Gipuzkoa, 1936), bertso antolatzaile eta gai-jartzailea, 84 urte zituela. Izatez gipuzkoarra, Lesakan bizi zen 1960ko hamarkadatik, eta hango bertso munduan egin zen ezagun, antolatzaile gisara batez ere. Hain zuzen ere, Paulo Yantzi sariketa antolatzen aritu zen 1979tik aurrera, Nafarroako Bertsolari Txapelketarik ez zen garaian (1966an egin zen ordura arteko azkena; hain zuzen ere, bertsolari gisara parte hartu zuen ordukoan Mujikak). 

Etxeko girotik zetorkion Mujikari bertsozaletasuna, berak aitortu bezala. Bertsolari gisara ere aritu zen kantuan gaztetan, plazaz plaza. Gerora, batez ere antolatzaile eta gai-jartzaile aritu zen, Nafarroan ia desagertuta zegoen bertsolaritza suspertzeko lanetan. 1999an, Nafarroako Bertsolari Txapelketako finalean, Lesakan, omenaldia jaso zuen egindako lanagatik.

Albiste gehiago

POTOKASTAK - BERTSO UHINAK 2020-06-29

"Eta zergatik bertsoa?"

POTOKASTAK - BERTSO UHINAK 2020-06-15

Gasteizko teilatu gainean etzanda

POTOKASTAK - BERTSO UHINAK 2020-06-07

Uhinak azulejo txurietan

POTOKASTAK - BERTSO UHINAK 2020-06-01

Nolako zapatillak erabiltzen dituzu etxean egoteko?

POTOKASTAK - BERTSO UHINAK 2020-05-18

"Aspaldi da gutunik bidaltzen ez dugula"