Trovoaren nazioarteko kongresua 2020-11-03
Cartagenako Udalak eta Jose María Marín trovo elkarteak antolatuta aste honetan zen gauzatzekoa Cartagenan (Murtzia) II Congreso Internacional del Trovo kongresua. Argentina, Colombia, Cuba eta beste hainbat herrialdeetako ekarpenak jaso dituzte bertan parte hartzeko, eta aukeratuen artean daude bertsolaritzari lotutako bi hitzaldi, Jon Martin bertsolari eta ikertzaileak emango dituenak.
Bertsolaritzaren eta raparen arteko erkaketa egingo du aurrenekoan, eta Bertsozale Elkartearen antolaketari eta funtzionamenduari buruz arituko da bigarrenean. Oro har, kantu inprobisatuaren panorama soziokulturala aztertuko dute hizlariek, haren historia, hedabideetako presentzia, didaktika eta etorkizuna, besteak beste.
Azaroaren 5etik 15era bitarte hitzaldien ikus-entzunezkoak jaso ahal izango dituzte izena emandakoek. Horretarako, egokitutako izen-emate orria bete behar da, kongresuaren webgunean dagoena.
Anonyme Popularren agurreko kontzertuak maiatzean eta ekainean 2024-04-18
Maddi Aiestaran Iparragirre - Osinalde Sariko balorazioa 2024-04-08
Jone Larrinaga Dañobeitia - Bertsolari Bertsozale Podkasta 2024-03-28
Mikel Artola Izagirre - Gipuzkoako Bertsozale Elkarteko koordinatzailea 2024-03-26
Juanjo Uria Zubiarrain - Bertsolari bertsozale podkasta 2024-03-15