Ahostegunak 2020 2020-11-11

Bertsoa protagonista aste honetako Ahostegunean

Bertsoa protagonista aste honetako Ahostegunean
Aurrera doa Ahostegunak egitsmoa ere, 18 eta 22 urte bitarteko gazteei zuzendutako saio sorta, oinarrian ahozko kultur sorkuntza duena. Bihar, azaroaren 12an, Eli Pagola eta Odei Barroso bertsolarien bisita jasoko dute.

Urriaren 29an hasi ziren Ahostegunak eta azaroaren 26ra arte luzatuko da ekimena. Lau aste horietan antzerkiaz, kantuaz, bertsoaz eta literaturaz gozatzeko aukera izan dute eta izango dute bertaratzen diren gazteek, hainbat gonbidaturen laguntzarekin. Aste honetan, bihar, izango da bertsolaritzaren txanda eta, esan bezala, Eli Pagola eta Odei Barroso izango dira gonbidatu. Aurretik, Olatz Salvador kantautorea eta Erika Olaizola aktorearen bisitak jaso dituzte eta azken saioan Oier Guillan idazlearen laguntza izango dute. Saio interesgarri bezain emankorrak denak ere. 

Izenak aurreratzen duen bezala, saioak ostegunetan izaten dira UPV/EHUko Gipuzkoako campusaren ondoan dagoen Euskaltzaindiaren egoitzan, Tolare baserrian, Donostian. UPV/EHUko Mikel Laboa Katedrak eta Mintzola Ahozko Lantegiak antolatu du ekimena, Euskaltzaindiaren laguntzarekin.

Albiste gehiago

POTOKASTAK - BERTSO UHINAK 2020-06-29

"Eta zergatik bertsoa?"

POTOKASTAK - BERTSO UHINAK 2020-06-15

Gasteizko teilatu gainean etzanda

POTOKASTAK - BERTSO UHINAK 2020-06-07

Uhinak azulejo txurietan

POTOKASTAK - BERTSO UHINAK 2020-06-01

Nolako zapatillak erabiltzen dituzu etxean egoteko?

POTOKASTAK - BERTSO UHINAK 2020-05-18

"Aspaldi da gutunik bidaltzen ez dugula"