Kopla Barik 2020-11-12

Bertso trama dakar Igorrera 'Kopla barik' zirkuituak

Kopla barik zirkuitua aurrera doa eta bigarren saioa izango da datorren zapatukoa. Oraingoan, bertso trama da oholtzaratuko den formatua. Azaroaren 28an jokatuko da sariketa eta abenduaren 20ean txapeldunen saioa.

Igorren kantatuko duten bertsolariak Eneko Abasolo 'Abarkas`, Jone Uria, Julen Arzanegi, Miren Amuriza, Txaber Altube eta Unai Mendiburu izango dira. Tramagile lanetan ibiliko dira Lilibertso bertso eskolako kideak.

Sarrerak salgai daude www.bertsosarrerak.eus atarian. Esan moduan, igorreztarrek eta alboko herrietakoek izango dute bertara joateko aukera eta aldez aurretik sarrera erosita zeukaten bertsozaleei astelehenean jakinaraziko zaizkie sarrera itzulketarako argibideak. Bestelako segurtasun neurri guztiak kontuan hartuta egingo da saioa.