XXVIII. BBK sariketa 2020-11-27

Abenduaren 2an jokatuko da BBK Sariketaren finala

Martxoaren 2an hasi zen aurtengo sariketa eta, lau kanporaketa jokatu ondoren, sariketa atzeratu egin behar izan zen. Orain, lau taldeko finala jokatuko da, baina, berezitasun batekin: nagusien taldeek kantatuko dute Bilbon eta gaztetxoen taldeek bideo bidez parte hartuko dute sariketan.

Sarrerak, webgune honetan

Egoera berezia dela eta, aforoa mugatua izango da eta gonbidapenak aldez aurretik hartu behar izango dira. Sarrera doakoa izango da, baina izena eman beharko da. Horretarako aukera daukazue Bertsozale Elkartearen lotura honetan.

Saiorako ateak 17:30ean zabalduko dira eta guztion segurtasuna bermatzeko arau guztiak beteta jokatuko da saioa.