Asteburuko planak 2020-11-27

Zer plan astebururako?

Alde batetik emanaldi bereziez disfrutatzeko aukera zabala egongo da eta bestaldetik, ohiko bertso jaialdiak ere ikusi ahalko dira. Garai triste hauetan ondo etortzen da tarte batez behintzat deskonektatzeko auekra izatea, beraz ez aukerarik galdu!

Gogoratu Araba, Bizkaia eta Gipuzkoako saioen kasuan bertakoak eta inguruko herrietakoak soilik bertaratu zaitezketela. 

Gaur, ostirala: 

2020-11-27 Donostia

19:00tan izango da Lugaritz kultur etxean. Bertsotan arituko dira Uxue Alberdi, Beñat Gaztelumendi, Maialen Lujanbio eta Jon Maia, eta gai-jartzaile Iker Iriarte Iribar arituko da. 

2020-11-27 Ataun

"Ez da kasualitatea" bertso-saio musikatua, 19:00tan Antzokian. Kantuan arituko dira Nerea Ibarzabal, Oihana Iguaran, Alaia Martin eta Jone Uria Albizuri eta eurak laguntzen Araitz Bizkai eta Gari Otamendi. Gai-jartzaile lanak Amaia Agirrerentzat izanen dira. 

2020-11-27 Sopela

"Gorria" flamenkoa eta bertsoa emanaldia 19:00tan Kurtzio Kultur Etxean. Miren Amuriza eta Askoa Etxebarrietaren eskutik ohi bezela. 

2020-11-27 Zornotza

"Ez da kasualitatea" bertso-saio musikatua 19:00tan Zelaietako frontoian. Malen Amenabar, Onintza Enbeita eta Izarne Zelaiarekin batera Eneko Sierra ere egongo da oholtza gainean eta gai-jartzaile, berriz, Idoia Anzorandia arituko da. 

2020-11-27 Donostia

Ane Labaka Mayoz eta Beatriz Egizabalen eskutik, "Erradikalak ginen" emanaldi berezia 19:30tan Tomasene kultur etxean. 

2020-11-27 Zarautz

Euskaraldia. "...nahi dugu hitz eta jolas" bertso-saio tematikoa ere izango dugu, 19etan Modelo aretoan. Bertsolariak honako hauek: Oihana Bartra eta Julio Soto. Gai-jartzaile lanetan, Imanol Artola "Felix". 

Bihar, larunbata: 

2020-11-28 Durango

"Erradikalak ginen" emanaldia ikusteko auekra izango da 19:00tan Kulturguneko Kafean. 

2020-11-28 Kuartango

"Gorria" flamenkoa eta bertsoa emanaldia iluntzeko 20.00tan Balnearioan. 

2020-11-28 Legazpi

Latxartegi Aretoan Euskaraldiaren karietara antolaturiko saioa izango da, 19.00tan hasita. Mikele Arizkorretak jarritako gaietara arituko dira Oihana Iguaran, Xabat Illarregi, Xabier Silveira eta  Ekiñe Zapiain Arlegi bertsolariak. 

2020-11-28 Donostia

Informazio gehiago eta hurrengo asteetako bertso saioen berri bertsozale elkartearen agendan izango duzue.

Lurraldez lurralde segurtasun neurriak eta egoera ezberdina dela jakinik, ez ahaztu denon eskutan dagoela bertso plaza ere eremu seguru eta zaindua izatea. Beraz, saioetan behar diren neurri guztiak bete, antolatzaileen oharrei kasu egin eta adi ibiltzeko mezua luzatu nahi dugu.