BBK sariketa 2020-12-03

Busturialdeko taldeak irabazi du aurtengo BBK sariketa

Bertsolari Gazteen XXVIII. BBK sariketa izan da aurtengoa eta lehenengo kanporaketa martxoaren 3an Barakaldon izan bazen ere, lau kanporaketa jokatu ostean pandemiaren eraginez bertan behera geratu ziren finalaurrekoak eta finala. Egoerak baldintzatuta, beraz, finalerdiak jokatu ez eta zuzenean finala egitea erabaki zen, kanporaketetan sailkatutako 4 taldeekin. Gauzak horrela, pena handiz, baina eskualdeetako talde gazteenek ezin izan dute Bilboko finalean kantatu eta bideo bidez helarazi zituzten haien bertsoak.

Ondorengo bertsolariek osatu zituzten eskualde bakoitzeko taldeak:

• Busturialdea: Iker Uriarte, Asier Galarza eta Koldo Gezuraga.
• Durangaldea: Iruri Altzerreka, Ander Elorriaga eta Bittor Altube.
• Hego Uribe: Maider Altuna, Maite Sarasola eta Unai Foruria
• Lea-Artibai: Sara Asenjo, Nahia Ibarzabal eta Koldo Muñiz.

Bestalde, aurten lehenengoz, finaleko kantaera onenaren saria eman zen eta Iruri Altzerrekak jaso zuen.

Xabier Enbeitak egin zituen aurkezle beharrak eta epaimahaia Juanjo Respaldizak, Josu Telleriak eta Beñat Romerok osatu zute. Idazkari lanetan, aldiz, Idoia Anzorandia aritu zen.

Zorionak parte hartzaile guztiei!