Bertsoak Argazkitan 2020-12-10

'Bertsoak Argazkitan', Oskia Karreraren eskutik

Aintzane Irazusta izan da nagusiki bertsoaldien hautaketaren arduraduna. Guztira 40 bertsolariren bertsoak izan dira liburu honen oinarria eta Oskia Karrera berak ateratako argazkiekin osatzen da. Mota ezberdinetako argazkiak aurki ditzakegu, paisaien argazkietatik hasi eta aktoreen laguntzaz berreraikitako egoeren argazkietara, esate baterako.

Berria egunkarian eginiko elkarrizketan esan bezala aisialdia eskaintzea da proiektu honen asmo nagusia baina bigarren irakurketa baterako aukera ere eskaintzen duela aipatu du artista gipuzkoarrak: "bertsoaren bitartez ikus daiteke bertsolaritza eta gizartea nola aldatu diren; garapen horren isla da liburua bera".

Xabier Amuriza eta Alaia Martin bertsolariek idatzi dute hitzaurrea eta BDB Bertsolaritzaren Datu Basearen laguntza jaso du bertsoen erabilpen eta bilketan.