Kopla Barik 2020-12-15

Bizkaiko zortzi txapeldun, oholtza berean kantuan

Txapeldunen saioa Kopla Barik zirkuituaren azkenengo saioa izango da. Aurretik, saio musikatua, bertso trama eta sariketa antolatu dira azken hilabeteetan herri ezberdinetan. 

Getxoko Muxikebarri aretoan, 18:00etatik aurrera. Oholtza gainean, zortzi txapeldun arituko dira: Arkaitz Estiballes, Etxahun Lekue, Fredi Paia, Igor Elortza, Jon Enbeita, Onintza Enbeita, Unai Iturriaga eta Xabi Paya.

Gaien prestaketan txapelketako gai-jartzaile taldea ibili da eta Begoñe Olabarria izango da aurkezle lanetaz arduratuko dena.

Muxikebarriko ateak 17:00etan zabalduko dira eta sarrera aurrez eskuratu duten bertsozaleek ere txarteldegira joan eta sarrera trukatu beharko dute, sarrera zenbakituak hartu ahal izateko.