Ez-kopla txapelketa 2020-12-16

Ez-kopla txapelketa ostiralean, Putzuzulon

Lehiarik ez, baina kanpai eta zintzarri hotsa enztun ahalko da aurten ere Putzuzulo gaztetxean. Zailtasun eta oztopoak tarteko, kopletarako tartea berrasmatu behar izan dute antolatzaileek eta kanporaketarik izango ez den arren, hainbat atal musikatu egongo dela gogoratu dute. 

Bost zarauztarrek osatuko dute aurtengo saioa: Aimar Sorazuk, Aitor Urbietak, Iñigo Mantzizidor Mantxi-k, Oier Aizpuruak eta Uxue Alkortak. Gai-jartzaile lanetan Uxune Areizaga arituko da.

Saioa ostiral honetan izango da, arratsaldeko 19.00tan hasita eta sarrerak ostegunean hartu ahal izango dira Putzuzulon bertan 19.00tatik aurrera. Sarrera bakoitza sei euroan eta buruko bi sarrera hartu ahalko dira gehienez. Edukiera mugatua izango da eta antolatzaileek ohartarazi dute netzuleek eserita gozatu beharko dutela emanaldiaz.