Bederatzikoa 2020-12-23

BEDERATZIKOA emanaldi berria estreinatuko dute Andoni Egañak eta Xabier Lizasok

Hainbat obra burutu dituzte elkarrekin Andoni Egaña bertsolariak eta Xabier Lizaso pianojoleak, “Bi arreba” eta “Garai hura gara” emanaldiak besteak beste. Obra berri batekin datoz oraingoan, “Bederatzikoa” izena eman diote eta Getxoko Muxikebarri Antzokian estreinatuko dute, hortik aurrera Euskal Herri luze eta zabalera eraman nahi dute.

250 urte dira Beethoven musikari handia jaio zela. BEDERATZI sinfonia osatu zituen, nahiz baden hil zenean hamargarrena abian zuela esaten duenik ere, eta horrez gain, “Bederatzikoa” edo bederatzi puntukoa bertso neurri bat ere bada, Beethovenen garaitik gaur arte iritsi dena. Pernando Amezketarrak, esaterako, erabiltzen zuen, eta Beethovenen garaikidea zen. Azken Euskal Herriko Txapelketa Nagusietan, buruz burukoaren erremate gisara, klimax unean, bederatziko bana bota behar izaten dute bertsolariek…