Bertsolari aldizkaria 2021-01-20
Kazetari beteranoen begirada - 119. alea
119. aleak Joxe Mari Iriondo, Joxean Agirre, Joxerra Garzia eta iaz zendu zen Nikolas Aldairi eginiko elkarrizketak jasotzen ditu. Kazetari beteranoen begiradak hamaika istorio kontatzen ditu inoiz ahaztu gabeak baina sekula kontatu gabekoak ere. Bertsolaritzari buruzko kazetaritza aitzakia hartuta, zeharka bertsolaritzaren azken hamarkadetako historiaz ere hitz egiten da lau protagonistekin.
Solasaldi horiez gain, bi erreportaje nabarmentzen dira udazkeneko ale honetan. Aurrenekoan, Yoga eta Bertsolaritza batzeko saiakera egiten da Alaia Martinen eskutik. Ane Zuazubiskar, Malen Amenabar, Jon Martin eta Iban Garrorekin gorputzaren eta buruaren arteko orekaz arituko gara. Bigarren erreportajea, Iparragirreren jaiotzaren berrehungarren urteurrena ospatu berri den honetan, urretxuarraren dimentsio mediatikoari buruzkoa.
Nazioartean Herrialde katalanetako kantu inprobisatua, Ikerketa-elkarrizketan Antxoka Agirreren doktore tesia. Eta orain arte bezala, elkarrizketa, iritzi eta bertsoz bete etorri da Bertsolari aldizkaria.
Ale hau eta gainontzekoak eskuratu nahi badituzu eskatu bertsozale.eus webgunean, Elkar dendetan, edo noski harpidetu zaitez link honetan.
Gozatu!
Anonyme Popularren agurreko kontzertuak maiatzean eta ekainean 2024-04-18
Maddi Aiestaran Iparragirre - Osinalde Sariko balorazioa 2024-04-08
Jone Larrinaga Dañobeitia - Bertsolari Bertsozale Podkasta 2024-03-28
Mikel Artola Izagirre - Gipuzkoako Bertsozale Elkarteko koordinatzailea 2024-03-26
Juanjo Uria Zubiarrain - Bertsolari bertsozale podkasta 2024-03-15