Asteburuko planak 2021-01-22

Zer plan astebururako?

Larunbatean, Bergarako seminarixoan jaialdia izango da Miren Amuriza, Andoni Egaña, Maialen Lujanbio, Jon Maia eta Ane Zuazubiskar Iñarra kantuan izango direla, gai-jartzailetza, berriz, Bergarako bertso eskolaren esku. Bertso jaialdia 19.00etan hasiko da. 

Egun eta ordu berean Lemoako Kiroldegian bertso-trama erotikoa hasiko da. Kantuan Sustrai Colina eta Uxue Alberdi arituko dira Arkaitz Estiballesek gaiak jartzen dizkien bitartean. 

"Auskalo zeinek jarriak" bertso musikatuak entzuteko aukera izango da Unai Agirre, Eñaut Agirre eta Imanol Kamio musikariaren laguntzarekin. Saio hau Amasako elizan izango da, larunbatean, 19.00etatik aurrera. 

Igandean Zeanurin izango da jaialdia. Herriko pilotalekuan, arratsaldeko 18.00etan, eta kantuan ondoko bertsoalri hauek: Amets Arzallus, Andoni Egaña, Unai Iturriaga, Maialen Lujanbio eta Aitor Mendiluze. 

Bertara hurbiltzerik duenak gozatu dezala bertsoaz!

Asteburu on!