Gai-jartzaile eskola 2021-01-25

Otsailaren 6an ikastaldia eskainiko zaie gai-jartzaileei

Otsailaren 2a amaitu aurretik eman ahal izango dute izena gai-jartzaile interesdunek www.bertsozale.eus atarian egokitutako izen-emate orria beteta. Ikastaroa otsailaren 6an izango da Azpeitiko Dinamoa sormen gunean, 10:00etatik aurrera: goiz osoko saioa izango da, eta Amaia Agirrek gidatuko du. Aurrez aurre zein online jarraitu ahal izango da, dohainik.

Ikastaroa Ez da kasualitatea saioetan aritzeko prest dauden gai-jartzaile emakumeentzat da, eta saio mota honek dituen berezitasunak aztertuko dituzte.

Bertsozale Elkarteak iragarri duenez, Euskal Herriko gai-jartzaileei begira dinamika komun bat martxan jartzea da asmoa, eta aurtengo ekintzei dagokienez, hauxe da lehen proposamena. Belaunaldi ezberdinetako eta herrialde osoko gai-jartzaileak elkartzeko ere baliatu nahi da.