Planak 2021-02-05

Zer plan astebururako?

Asteburuko lehen jaialdiak badu mamia. Izan ere, gaur plaza biziberritzen egitasmoaren baitan antolatzen diren "eskolatik plazara" bertso saioetan bigarrena izango da. Iruñean izango da saiioa arratsaldeko 18.00tatik aitzina. Bertan eskolarteko finalera sailkatutako bertsolari gazteak plazaz plaza dabiltzan bertsolari beteranoagoekin elkartuko dira. Nafarroako antzerki eskolan kantuan arituko direnak Eukene De los Aires, Bittori Elizalde, Alaia Martin, Julio Soto, Aitor Ugarte eta Ekiñe Zapiain Arlegi izango dira. Gai-jartzaile lanetan arituko da Josu Sanjurjo.

Larunbatean, Pasaian, III.bertso-saioa izango dugu Juanba Berasategi Auditorioan 18.00tatik aurrera hau ere. Bertsotan arituko den seikotea honako hau izango da: Uxue Alberdi, Amets Arzallus, Andoni Egaña, Oihana Iguaran, Unai Iturriaga eta Maialen Lujanbio. Gidari lanetan Amaia Agirre arituko da.

Igandean, bi emanaldi berezi izango dira gozagai. Aurrenekoa, Lezon "Gorria" ikuskizuna eskeiniko dute Miren Amurizak eta Askoa Etxebarrietak. Zazpietan izango da hau Gezala auditoriumean. Bigarren emanaldia Elizondoko "Neretik" emanaldia izango da Andoni Egaña eta Jon Ostolaza protagonista direla. 19.00tan Arizkuenean.

Informazio gehiago eta datorren asteetarako agenda bertsozale.eus atarian.