EKT 2020-2021 2021-02-15
Maialen Lujanbio, bertsolaritzaren bilakaeraz eta pandemiaren eraginez
Aurtengoa 8. edizioa du Humanitate eta Hezkuntza Zientzien fakultateak antolatzen duen ikastaroak. 2007-2008. ikasturtean sortu zen egitasmoa, izenak dioen gisan, besteak beste, euskal kulturgintzaren gaineko eduki eta ezagutza bildu eta bilketa hori formazio baten bidez transmititzea. Kulturgintza osatzen duten hainbat sektore eta disziplinetako sortzaile eta eragileek hartzen dute parte graduondo honetan. Bertsolaritzak ere beti izan du bere lekua bide honetan eta Bertsozale Elkartea aditu tituluaren sustatzaile eta laguntzaile izan da urte hauetan zehar.
Lehenengo edizio hartan ikasle legez hartu zuen parte Maialen Lujanbiok eta aurtengo ikasturtean ikastaroa zabalduko zuen hitzaldia ematea tokatu zaio. Transmisioa ulertu daiteke edukia edo ezagutza ondorengoei, gazteagoei, irakasteko ariketa bezala, baina Maialenek beste ildo batetik landu nahi izan du gaia eta horrela aipatzen du elkarrizketan:"kulturan egoteko politika bati buruz aritu naiz, guk aurrekoengandik jaso dugun egiteko eta egoteko modu bat".
Emandako hitzaldiaz, bertsolaritzaren bilakaeraz, bere esperientziaz edota pandemiaz solastu zuen Oihana Elortza kazetariarekin. Ikusi hemen elkarrizketa osoa.
