Lanku zerbitzuak 2021-02-16

GURERARA, Oskar Estangaren ikuskizun berria

Oskar Estangak GURERARA ikuskizun berria aurkeztu du. Bertsolaritzaren teknika eta kantangintza uztartuz kantu ezberdinak sortzeko lanetan murgilduko da artista nafarra.

Horretarako musika oinarri batzuk moldatu ditu eta base urbanoa duten melodia horien gainean inprobisatzen hasiko da Oskar, gaiak edo interesguneak entzuleengandik eta publikoaren laguntzaz bilduta.

Kultura urbanoa eta euskara batzeko ariketa interesgarria, beraz, Oskar Estangak eskaintzen diguna.

Lanku Kultur Zerbitzuak-en laguntzaz burututako proiektua da eta beraiekin jarri kontaktuan kontratazioetarako edo informazio gehiagorako.