Planak 2021-02-19

Zer plan astebururako?

Gaur Iruran 'Erradikalak ginen' emanaldi bereziaz gozatzeko aukera izango da. 18:30tan Musika eskolan izango da emanaldia eta betiko legez, Ane Labaka eta Beatriz Egizabal izango dira protagonistak.

Bihar eguerdian Ordizian izango da lagun arteko bat eta iluntze partean Portugaleten saioa. Aurrenekoa Tximista sagardotegian izango da eta kantuan Oihana Iguaran, Jon Maia eta Iker Zubeldia arituko dira. Eguneko bigarren saioa Portugaleteko Sastraka gaztetxean izango da eta oholtzaren gainean izango dira Maite Sarasola, Koldo Gezuraga, Kerman Diaz eta Aissa Intxausti. 19.00tatik aurrera izango saioa.

Igandean Bergarako kartzela Zaharrean, aldiz, bertso-trama antolatu dute, arratsaldeko 18.00tatik aurrera izango dena. Eli Pagola, Jokin Bergara, Maider Arregi eta Amaia Iturriotz izango dira protagonistak.

Ez dira saio asko baino ezer ez izatea baino hobea da. Informazio gehiago eta datorren asteetarako agenda bertsozale.eus atarian.