Martxoak 18 2021-02-24

Bertsozale Elkarteko Batzar Nagusirako izen-ematea, irekita

Aretoan bertan edo online jarraitu ahal izango da Euskal Herriko Bertsozale Elkarteko Batzar Nagusia aurten: duela zenbait aste iragarri bezala, martxoaren 18an izango da batzarra, 18:30etik aurrera, Amasa-Villabonako Subijana etxean.

Antolaketa eta toki arrazoiak tarteko, batzarrean parte hartu nahi duten bazkideek izena eman beharko dute aurretik, www.bertsozale.eus atarian egokitutako izen-emate orri hau beteta edo +34 943 69 41 29 telefono zenbakira deituta. Aretoan bertan nahiz online jarraitzeko aukera izango dute bazkideek, eta zein aukera hobesten den adierazi beharko da izena ematerakoan. Martxoaren 10a baino lehen eman behar da izena.