PLANAK 2021-02-26

Zer plan astebururako?

Gaur Zarautzen "Gorria" flamenkoa eta bertsoa uztartzen dituen ikuskizuna ikusteko aukea egongo da, 19.00tan Modelo Aretoan izango da.

(H)ari naizela irratsaioaren 200. saioa dela eta "Uhinak" bertso-saio berezia izango da Villabonako Zineman gaur arratsaldeko 19.00tan. Plaza biziberritzen egitasmoaren barruan antolatutako "bidaiak" ekimenaren parte izango da saioa eta bertsolariak Amets Arzallus, Oihana Iguaran, Maialen Lujanbio eta Julio Soto izango dira eta gai-jartzaile Imanol Artola "Felix".

Bihar, larunbatez, bi saio bereziz gozatzeko aukera izango da. aurrenekoa 19.00tan "Koplariak koplari" hitzaldi musikatua eskainiko dute Xabier Amuriza eta Agus Barandiaranek Jatabeko Kultur Kirol Eraikinean. Eta bigarrena, "Erik eta Win" ikuskizuna Lezon, Gezala Auditoriumean, 19.30tan.

Bestalde, Algortako Kasinoan arratsaldeko seietatik aurrera ABRA jaialdiaz gozatzeko aukera izango da. Jone Uriak gidatuta, kantuan arituko dira Aitor Servier, Xabat Illarregi, Ekhiñe Zapiain, Maider Arregi eta Aroa Arrizubieta.

Eta aldi berea, Plazara! ekimeneko aurreneko saioa hasiko da Muxikako Ariatza eskolan. Kantuan Gorka Pagonabarraga, Koldo Gezuraga, Iker Uriarte eta Enare Muniategi arituko dira.

Informazio gehiago eta datorren asteetarako agenda bertsozale.eus atarian.