Pagolatarren proiektu berria 2021-03-02
'Kontzertu bat bertsotan', bertso jarriak eta musika uztartuta
Eli eta Manex Pagolak batera egiten duten aurreneko proiektua da orain esku artean duten hau. Bertso jarriak, doinu zaharrak eta musika elektronikoa CD batean bildu eta lan hori aurkezten ari dira herriz herri, emanaldiz emanaldi.
Musika elektronikoa hainbat musika tresnarekin uztartuta osatu dute lana eta emanaldia. Manex Pagola arduratzen da musikaz eta Eli Pagolak hartzen du ahotsa jartzearen ardura nagusia, nahiz eta, tarteka biei tokatu besteari laguntzea.
'Kontzertu bat bertsotan' lanean aurki daitezke, besteak beste, Hitzetik Hortzera irekitzeko erabiltzen den 'Dagoenaren berri' abestia edo 'Bertso Kunbia' kanta.
Lanku Kultur Zerbitzuak-en laguntzaz burututako proiektua da eta beraiekin jarri kontaktuan kontratazioetarako edo informazio gehiagorako.
Albiste gehiago
Larunbatean 21:00etan ETB1en 2025-03-20
Donostiako Intxaurrondo eta Mendaroko bertsoak Hitzetik Hortzeran, Marisa Barrena wikilari bertsozalearekin
Martxoak 8 - Emakumearen Nazioarteko Eguna 2025-03-05
