Internetez ere bai 2021-03-01

Bigarren Bertso Eguna, laster

Abiatu berri dugun hilabetean izango dugu 2021eko bigarren Bertso Eguna. Martxoaren 27an izango da hitzordua, Getariako Cristóbal Balenciaga Museoan, 18:00etan hasita. Alaia Martin, Unai Iturriaga eta Uxue Alberdi ariko dira bertsotan, Maite Berriozabalek jarritako gaiei erantzuten.

Bertsozale Elkarteak saioa gogoraraztearekin batera, protagonistekin izango diren beste zenbait bertsolariren izenak ere aurreratu ditu: Eli Pagola, Maider Arregi, Manex Agirre eta Rosi Lazkano ere izango dira emanaldian.

Aretorako sarrerak eskuragai daude www.bertsosarrerak.eus atarian nahiz Getariako Turismo Bulegoan. Oraingo honetan ere nahi duenak izango du Internetez zuzenean ikusteko aukerarik; horretarako sarrerak ere www.bertsosarrerak.eus atarian eskura daitezke.

Eta, noski; Bertsoa.eus ere han izango da, saioko bertso aleak jaso eta ondorengo egunetan zuri eskaintzeko.