Hitzetik Hortzera 2021-03-03

Eskolatik Plazara eta Hitzetik Hortzera

Bertsolarien iritzi eta bizipenak, hemen.

Juanjo Respaldiza eta Mikel Mendizabalen hitzak, hemen.

Bertsozale Elkarteak eta Ikastolen Elkarteak hiru saio antolatu dituzte elkarlanean urte hasiera honetan: Gernika-Lumon, Iruñean eta Altzon. Aurreneko saioan, Irune Basagoiti, Leire Vargas eta Naia Arrizabalaga gazteekin batera, Etxahun Lekue eta Maialen Lujanbio aritu ziren bertsotan. Bigarren saioan, Iruñekoan, Aitor Ugarteren, Bittori Elizalderen, Ekhiñe Zapiainen eta Eukene De Los Airesen txanda izan zen, eta horiekin batera Alaia Martin eta Julio Soto aritu ziren. Azken saioa Altzon izan zen, eta kasu honetan, Aner Peritz, Haira Aizpurua eta Irantzu Idoate izan ziren protagonistak, Maialen Lujanbiorekin eta Nerea Ibarzabalekin batera. 

Horrez gain, Eskolarteko txapelketak antolatzen urte luzez aritu diren Juanjo Respaldizarekin eta Mikel Mendizabalekin elkartu gara. Urte hauetan zehar, milaka bat-bateko zein idatzizko bertso berri entzun dituzte gaztetxoen ahotik, eta zer kontatua izan dute gaztetxoen eta eskolartekoen inguruan.

Saio osoa ikusteko aukera, astero bezala, EiTB Nahieran atarian.

Bestalde, 3 saio horietako bertsoaldien hautaketa zabala eskainiko dugu datozen egunetan bertsoa.eus atarian. Gernikako saioko hautaketa ikusgai dago dagoeneko.