Planak 2021-03-05

Zer plan astebururako?

Ostirala

Orion 19:00tatik aurrera "Orainmenean" (Bertsolaritzaren genealogia feminista) saio berezia izango da Arraun Etxean. Bertsotan Uxue Alberdi, Nerea Elustondo eta Ane Peñagarikano arituko dira. Gai-jartzaile lanetan Amaia Agirre arituko da.

Diman, bien bitartean, ordu berean hasita, "Ez da kasualitatea" bertso-saio musikatua izango Oihana Bartra, Nerea Ibarzabal, Oihana Iguaran eta Alaia Martin protagonista direla. Maite Berriozabalen ardura izango da gai-jartzaile lanetan aritzea. 

Iruñean, Txantreako talde feministak antolaturik, ordu bete lehenago hasita bertso jaialdiaz gozatzeko aukera izango da Txantreako Auzotegi Kultur elkartean. Kantuan Saioa Alkaiza, Sarai Robles eta Alazne Untxalo arituko dira eta gaiak jartzen Irati Majuelo.

Bestalde, bi emanaldi bereziz atsegin hartzeko aukera izango da. Gasteizen "Gorria, flamenkoa eta bertsoa" 19.00tan Aldabe Gizarte etxean aurrenekoa. Eta bigarrena, "Erradikalak ginen" emanaldia Lemoako Jubilatuen Elkartearen gaineko lokalean. Hau ere 19.00etatik aitzina.

Larunbata

Pasaian bertso saio musikatua natolatu du Bixi-bixi elkarteak 18.00tatik aurrera. Miren Amuriza eta Nerea Ibarzabal arituko dira Juanba Berasategi auditorioan bertsotan Beñat Antxustegi eta Eneko Sierraren musikaren doinuan. Donibane Azkaratek jarriko ditu gaiak.

Azkoitin ere bertsoa eta musika uztartzeko ahaleginetan murgilduko dira protagonistak. "Ez da kasualitatea" saioa izango da 19.00tan eta hauek oholtzaratuko dira: Maddalen Arzallus, Alaia Martin, Jone Uria Albizuri eta Ane Zuazubiskar Iñarra (bertsolariak), Araitz Bizkai, Gari Otamendi (musikariak) eta Saroi Jauregi (gai-jartzailea).

Leitzan "Erradikalak ginen" ikuskizuna eskainiko dute Ane Labakak eta Beatriz Egizabalek 18.00etatik aurrera eta Añorgako Antxon Aiestaran kultur etxean ordu bat lehenago hasiko da Eli eta Manex Pagolaren "Kontzertu bat bertsotan" emanaldia.

Zerainen librean arituko dira Uxue Alberdi eta Oihana Iguaran 18.00tan hasita.

Igandea

Etzi "Erradikalak ginen" emanadliaz gotzatzeko aukera izango da ere Aizarnazabalgo Atarisoro frontoian. 17.00tan hasiko da emanaldia.