Bertso Eguna 2021-03-05
Martxoaren 27an Getarian izango den Bertso Eguna aretoan bertan jarraitu nahi duenak oraindik badu aukerarik, baina azkar ibili beharko du. Bertsozale Elkarteak iragarri duenez, Getariako Turismo Bulegoan geratzen dira soilik mota honetako sarrerak, Internetez salgai zeudenak amaitu baitira.
Edonola ere, bertso emanaldia online zuzenean jarraitzeko aukera ere izango dela gogorarazi du elkarteak. Horretarako sarrerak www.bertsosarrerak.eus atarian daude, 5 euroren truke; 3 euro, elkarteko bazkideen kasuan.
Alaia Martin, Unai Iturriaga eta Uxue Alberdi ariko dira bertsotan, Maite Berriozabalek jarritako gaiei erantzuten. Lagun gehiago ere batuko zaizkie protagonistei oholtza gainean: Eli Pagolak, Maider Arregik, Manex Agirrek eta Rosi Lazkanok ere hartuko dute parte emanaldian. Martxoaren 27ko hitzordua 18:00etan hasiko da Getariako Cristóbal Balenciaga Museoan.
Anonyme Popularren agurreko kontzertuak maiatzean eta ekainean 2024-04-18
Maddi Aiestaran Iparragirre - Osinalde Sariko balorazioa 2024-04-08
Jone Larrinaga Dañobeitia - Bertsolari Bertsozale Podkasta 2024-03-28
Mikel Artola Izagirre - Gipuzkoako Bertsozale Elkarteko koordinatzailea 2024-03-26
Juanjo Uria Zubiarrain - Bertsolari bertsozale podkasta 2024-03-15