Bizkaiko elkarteak antolaturik 2021-03-08

Neguko Barneteguna martxoaren 27an, barnetegiaren ordez

Ohiko negukko barneteiaren ordez, egun bateko Barneteguna dinamika jarri dute martxan aurten, gaztetxoak saretu eta elkar ezagutzen jarraitzeko helburuarekin. DBH1etik DBH4ra bitarteko bertso eskoletako gazteei zuzenduta dago eta izen emateo epea zabalik dago dagoeneko. Ineteresa duenak bertsozale.eus atarian du izena emateko aukera, bertan aurkituko duen galdetegia beteta.

Goizeko 9.30tan Astra kulturgunean elkartu eta egun osoan jarduera ezberdinak egiteko aukera izango da. Eguna bukatzeko, adibidez, primerako bertso saioaz gozatzeko aukera ere izango dute bertaratutakoek Maider Altuna, Etxahun Lekue, Nerea Ibarzabal eta Maialen Lujanbio kantuan arituko direla. Saioaren ondoren, 19.45etan amaituko da egitaraua Astran bertan.

Bertso udalekuak ere, martxan

Gogoratu 2021eko bertso udalekuetako hezitzaileen izen-ematearen azken txanpan sartuak garela. Kasu honetan ere, martxaoren 14era arte izango dute izena emateko aukera begirale, sukaldari, zuzendari edo begirale praktiketan aritu nahi dutenek.

Maiatzaren hasieran hartuko du Bertsozale Elkarteak Bertso Udalekuen inguruko azken erabakia: orduan jakingo dugu udalekuekin aurrera egingo ote den, eta, hala balitz, ekingo zaio haurren izen-emateari.

Hezitzaile aritu nahi? Eman izena, hemen.