Martxoan Bertsoa 2021-03-11

'Martxoan Bertsoa', aurten bai

"Auskalo zeinek jarriak"

Aurreneko saioa larunbatean bertan izango da Urretxuko Elizan eta eguerdiko 12.00tan hasita. Unai eta Eñaut Agirre anaiek bertso jarri musikatuak eskeiniko dituzte, Imanol Kamio musikariak lagunduta.

"Bertso Trama"

Bertso trama izango da bigarren saioa eta hilaren 26an izango da hori. Bertso-eskolako kideak izango dira protagonistak eta saio dibertigarria izango dela aurreikusten dute antolatzaileek. Gaiak jartzen Asier Iriondo ibiliko da eta kantuan, Gorka Azkarate, Antton Fernandez, Uxue Fernandez, Manex Mantxola eta Beñat Torres. Saioa arratsaldeko 19.00tan hasiko da Urretxuko Labeaga aretoan. 

"Erradikalak ginen"

Azken emanaldia martxoaren 28an. Ane Labaka eta Beatriz Egizabal protagonistak dituen antzerki-bertso saioaz gozatzeko aukera izango da ere. Emanaldia Zumarragako Zelai Arizti aretoan hasiko da 12:00etan.

Saio guztiak doakoak dira. Gonbidapenak Urretxuko kultur etxean jaso ahal izango dira: larunbatean bertan, 10:30etik 11:30era, eta egunean bertan ere jaso ahal izango dira, ordu erdi lehenago, beti ere ordurako agortu ez badira.