Osinalde saria 2021-03-22

Osinalde sariko seikotea, erabakita

Ostiralean jokatu zen aurrenekoa, Aztiri saria, Legazpiko Latxartegi aretoan. Aroa Arrizubieta eta Urko Arregi izan dira lehen bi postuetan sailkatuak, eta hortaz, finalerako txartela lortu duten bertsolariak. Bertsolari gasteizatrrak eskuratu zuen publikoaren saria ere.

Bigarrena Zaldibian jokatu zen larunbatean eta Ane Zuazubiskarrek irabazi zuen Osinberde saria. Bigarren egin zuen Xabat Illarregik eta entzulearen saria ere Leitzara joan zen. Saio hau online ikusteko aukera dago Zaldibia TB-ren youtube kanalean.

Atzo bertan Ordizian jokatu zen azken kanporaketan, Unai Izagirre eta Ibai Amillategik lortu zuten goiko postuetan geratu eta finalean sartzea. Entzulearen saria Ibai Amillategik eskuratu zuen.