Plazara! ekimena 2021-04-14

Hurrengo geltokia, Deustu!

Bizkaiko elkarteak abiatutako Plazara! ekimenak aurrera darrai eta hurrengo saioa ostiral honetan izango da Deustuko Bidarte Udaltegian. Ekimenaren helburua, alde batetik, Bizkaiko bertsolari gazteen plazaratzean eragitea da eta, beste alde batetik, beraien arteko saretzea eta talde izaera indartzea.

Arratsaldeko 19.00tan hasiko da saioa ostiral honetan eta kantuan honako bertsolari hauek arituko dira: Maider Altuna, Iruri Altzerreka, Bittor Altube eta Beñat Bilbao.

Aforo kontuak direla eta sarrerak mugatuak izango dira eta horiek eskuratzeko idatzi elorribertsoeskola@gmail.com helbidera edo mezu bat igorri Elorri Bertso eskolaren sare sozialetara.