Arabako binakako bertsolari txapelketa 2021-04-23

Oionen jokatuko da azken final laurdena

Nahi duenarentzat, sarrerak bertsosarrerak.eus atarian izango ditu eskuragai. Esan bezala 3. final laurden hau, Oionen jokatuko da, larunbatean zinema aretoan, 17:30ean.

Kantuan arituko direnak:

1.bikotea: Ander Aranburu Amenabarro - Rikardo Gonzalez de Durana Alzola
2.bikotea: Irati Anda Villanueva - Aroa Arrizubieta Barredo
3.bikotea: Manuel Bendala Garcia-Donas - Oihane Perea Perez de Mendiola

Gai emailea Arantxa Sobrino Lasa izango da.

Lehen fase honetan bertsolarien lanak Egoitz Iradier Martinez de Albeniz, Iker Elexpuru Lete eta Mikel Fernandez de Arroiabe Idigorasek epaituko dituzte.

Araian eta Izarran izan ziren saioetan Unai Anda-Iñaki Viñaspre eta Martin Abarrategi-Manex Agirre bikoteek lortu zuten garaipena eta larunbateko Oingo saioan erabakiko da zein 6 bikotek hartuko duten parte hurrengo fasean, irabazleak zuzenean eta gainontzekoak puntuazioz.

Bertsoa.eus-en hautaketa entzungai

Gogoratu sareko plazan entzungai eta ikusgai egongo direla saioetako bertsoaldiak. Berezien atal bat ere sortu dugu eta bertan aurkituko dituzue txapelketako saio guztiak.