Datorren urtean 2021-04-26

Hazparneko Bertso Eguna, atzeratuta

Iruñeko Bertso Eguna otsailean egin zen. / XDZ

Egun Ipar Euskal Herrian dauden baldintzak tarteko hartu du erabakia Bertsozale Elkarteak.

Hiru Bertso Egun aurreikusten zituen Bertsozale Elkarteak aurten, baina bi eginda, hirugarrena atzeratzea erabaki du. Hasieran urtarrilean egitekoa zen Hazparneko Bertso Eguna, maiatzean gero, eta azkenean, egun Ipar Euskal Herrian dagoen egoerak horretara bultzatuta, emanaldia datorren urtera atzeratuko duela iragarri du elkarteak; ez da datarik zehaztu.

Saiorako sarrera erosita dutenei dirua itzuliko zaiela jakinarazi da elkartetik.

Astea joan eta astea etorri, Plaza Biziberritzen

Iruñean eta Getarian egin dira 2021ean Bertso Egunak, baina ez dira pandemiaren ondorioak leuntzeko eta plaza indartzeko egin diren ekinaldi bakarrak: Eskolatik Plazara bertso saioak, Bidaiak proposamen berritzaileak eta Gerturatu Eta Lau ekimen parte-hartzailea antolatu ditu elkarteak, besteak beste. Lau saioz osatutako azken ekimen hau martxan hastear da, eta lekua gordetzeko izen-ematea irekita dago.