Lau gai, lau saio 2021-05-04

Ostegunean hasiko da Gerturatu Eta Lau ekimena

Ostegunean hasiko da Gerturatu Eta Lau ekimena
Donostiako Larratxo Kultur Etxean izango da kantaera oinarri izango duen saioa. Bertsozale Elkarteak, ohiko bertso plaza indartzeaz gain, abian jarri nahi dituen proposamen berritzaileen artean kokatzen da hau. Lekua gordetzeko aukera dago oraindik, dohainik, www.bertsozale.eus atarian izena emanda.

Etxahun LekueHaizea Arana, Maddi Ane Txoperena eta Maialen Lujanbio ariko dira bertsotan maiatzaren 6an, ostegunean, Donostiako Larratxo Kultur Etxean, 18:30ean hasita. Bertsolariak ariko dira kantuan, baina zaleak ere izango du zeresanik: ohiko bertso saioari ekarpenak egiteko tartea ere gehitu nahi baitzaio, ikus-entzuleek ere parte hartuta.

Kantaera izango du gai osteguneko Gauzkaten Eztarri Lerratuak saioak, eta Gerturatu Eta Lau ekimenaren baitako lehena izango da. Datozen egunetan izango dira ekimenaren parte diren Gure Esku Legoke, Gorputzak Esango Luke eta Gaur Edozertarako Libre saioak: maiatzaren 11n, Bilbon; 18an, Gasteizen; eta 25ean, Zarautzen, hurrenez hurren. Bakoitzak gai bat izango du aztergai.

Lau saioetarako sarrera doakoa da, baina izena eman behar da aurretik Bertsozale Elkartearen webguneko izen-emate orria beteta. Lekua gordetzeko eta saio bakoitzari buruzko xehetasunak ezagutzeko, sar zaitez hemen.

Bertsozale Elkarteak, ohiko bertso plaza indartzeaz gain, proposamen berritzaileak ere jarri nahi ditu abian, eta horietako bat da ostegunean hasiko den Gerturatu eta Lau ekimena.

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin