UDABERRIKO BERTSO SAIOAK 2021 2021-05-05

Bertsoa loratuko da Santutxuko udaberrian

Bilboko udalaren #BilbaoUdaberria2021 agenda kulturalaren parte eta Santutxuko Bertso Eskolak antolaturik, lau saio izango dira guztira. Gehienak jaialdiak izango dira baina libreko saio bat ere izango da hirugarren asteburuan.

Aurreneko saioa larunbat honetan bertan izango da, maiatzaren 8an, eta kantuan arituko dira Andoni Egaña, Arkaitz Estiballes, Alaia Martin eta Beñat Gaztelumendi.

Maiatzaren 15ean, Ibon Ajuriagojeaskoa, Amets Arzallus, Julio Soto eta Onintza Enbeita arituko dira bertsotan.

Maiatzaren 22an, aldiz, bertso saio librea eskainiko digute Maialen Lujanbio eta Unai Iturriagak.

29ko azken saioan, Jone Uria, Uxue Alberdi, Oihana Bartra eta Nerea Ibarzabalen txanda izango da.

Ekitaldi hauetako sarrera dohainik eta gonbidapenak erreserbatzeko, www.bilbaokultura.eus web-orrian aurkituko duzue horretarako aukera. Hala ere, saioa hasi baino 48 ordu lehenagotik 2 ordu lehenagora arte egin ahalko dira erreserbak.