Zortzi txanda 2021-05-12

Bertso Udalekuetako izen-ematea ireki da

Gaur 10:00etan ireki du Bertsozale Elkarteak Bertso Udalekuetarako izen-ematea. COVID-19ak eragindako egoera tarteko, lagun eta egun kopuru gutxiagoko egonaldiak dira eskainiko direnak. Guztira, zortzi txanda izango dira, eta Sopelan, Orion, Uitzin eta Amaiurren gauzatuko dira, uztailean. 9 eta 18 urte bitarteko gazteek parte hartu ahalko dute.

Maiatzaren 21era bitarte lehentasuna izango dute bertso-eskolako kide diren edota gurasoetako bat Bertsozale Elkarteko bazkide duten gazteek. Ondoren, gainerako interesdunek maiatzaren 25etik 31era arte eman ahalko dute izena. Ekainaren 9rako erantzungo zaie izena eman duten guztiei udalekuetan parte hartzeko aukerarik ote duten esateko.

Informazio gehiago, www.bertsozale.eus atarian.