Bertsopaperak 2021-05-12

Animatu BALENDIN ENBEITA lehiaketan parte hartzera

Oinarri nagusiak

Euskal Herriko bertso-jartzaile guztiek hartu ahal izango dute parte eta adinaren arabera, bi atal bereizitan:
• Helduak: 18 urte edo gehiagokoak.
• Gazteak: 17 urtera artekoak.

Bertsoen gaia, neurria eta doinua libreak dira parte hartzaile guztientzat.
• Helduek: gutxienez 8 bertso, eta gehienez 12.
• Gazteek: gutxienez 6 bertso, eta gehienez 10.

Eta, parte hartzaile bakoitzak nahi beste bertso-sorta aurkez dezake, nahiz eta bertso-jartzaile batek ezingo duen sari bat baino gehiago jaso.

SARIAK:
Helduentzat:
• 1. saria: txapela, 1.000€ eta garaikurra.
• 2. saria: 700€ eta garaikurra.
• 3. saria: 400€ eta garaikurra.

Gazteentzat:
• 1. Saria: txapela, 300€ eta garaikurra.
• 2. Saria: 200€ eta garaikurra.
• 3. saria: 100€ eta garaikurra.

Bertsoak posta arruntez zein posta elektronikoz bidali ahal izango dira. Posta arruntez bidaltzekotan, bertsopaperean ez du egilearen izenak agertu behar.

Bertso-sorta bakoitza izengoitiz sinatuko da eta egilearen izen-abizenak, jaioteguna, helbidea eta telefonoa/e-maila beste gutunazal batean sartuko dira, kanpoaldean izengoitia ageri dela. Posta elektronikoz ere antzera, Word formatuko bi dokumentu bidali beharko dira. Batean bertso sorta bera eta goitizena; eta bestean, goitizena eta norberaren xehetasunak. balendinenbeita@gmail.com da ALBEk lehiaketarako aktibatu duen helbide elektronikoa.

Informazio gehiago ALBEren (Algortako Bertsolari Eskola) webgunean.