Arabako Eskolarteko Txapelketa 2021-05-17

Maddi Agirre txapeldun Aguraingo finalean

2021eko Arabako gaztetxoen XXVI. Eskolarteko finala Aguraingo Harresi aretoan ospatu zen larunbatean, Bertso Bizi Gazte egunaren baitan. Eguna hain zuzen ere lehiaketara bidalitako bideoklipak proiektatzen hasi zen eta azkenean, Oion eta Kanpezura joan ziren sariak.

Eskolartekora itzuliz, bat-bateko saioan Maddi Agirre, Hegoi Amabizka, Eukene De los Aires, Danel Herrarte, Gari Arexolaleiba eta Beñat Cano aritu ziren oholtzan. Eurak izan ziren eskualdetan (Aramaio, Gasteiz eta Agurain) egindako saioetatik finalera sartzeko txartelak lortu zutenak.

Peru Abarrategi bertsolariak egin zituen gai-jartzaile lanak, eta Fernando Sopelana, Egoitz Iradier eta Aitor Jimenezek osatu zuten epaimahaia.

Azkenerako Maddi Agirreri jarri zion txapela iazko txapeldun Aitor Ugartek eta Euskal Herriko finalean egoteko txartela ere eskuratu zuen Eukene De los Aires-ekin batera.

Zorionak parte-hartzaile guztiei!

Informazio eta argazki gehiago, Bertsozale Elkartearen webgunean.