Plazara! ekimena 2021-05-20

Azkenaurreko geldialdia, Algortan

Bizkaiko bertsolari gazteen zirkuitua azken txanpara iristen ari da eta ostiralean Algortako Azebarri elkartean izango da saioa.

19.00tatik aurrera kantuan arituko dira Unai Mendiburu, Nahia Ibarzabal, Peru Irastorza eta Garazi Navarro bertsolariak. Jon Amezagak jarriko ditu gaiak.

Otsailan hasi zen ekimena eta hilabetero saio bat edo bi antolatu dira Bizkaiko eskualde ezberdinetan. Helburua, alde batetik, gazteen plazaratzean eragitea da eta, beste alde batetik, beraien arteko saretzea eta talde izaera indartzea. Ekainean izango da azken saioa, Lea Artibai eskualdean.