Arabako binakako bertsolari txapelketa 2021-05-24

Manex Agirre eta Martin Abarrategi txapeldun

Larunbatean jokatu zen Arabako Binakako Bertsolari Txapelketako aurreneko finala, Legutioko kiroldegian.

Iñaki Viñaspre Simon eta Unai Anda Delika, Martin Abarrategi Sarrionandia eta Manex Agirre Arriolabengoa, eta Manuel Bendala Garcia-Donas eta Oihane Perea Perez de Mendiola bikoteek lortu zituzten finalerako txartelak. 

Nieves Del Alamo aurkezle eta Eli Plazaola gai-emaile lanetan aritu ziren eta ariketa puntuagarriak amaituta manex eta Martinek lortu zituzten puntu gehien, 828 hain zuzen ere. Iñaki eta Unaik 820 bildu zituzten, eta Manu eta Oihanek 816.

Aste honetan zehar jarriko ditugu finaleko bertsoaldiak bertsoa.eus atarian.

Informazio gehiago txapelketaren webgunean aurkituko duzue.