Bertsolarien erabakimena 2021-05-24

Bihar amaituko da Zarautzen Gerturatu Eta Lau

Amaia Iturriotz, Oihana Bartra eta Xabat Galletebeitia ariko dira bertsotan. Sarrera doakoa da, baina lekua gordetzeko izena eman behar da aurretik www.bertsozale.eus atarian.

Gaur Edozertarako Libre izenburupean egingo den saioarekin agurtuko da Gerturatu Eta Lau. Zarauzko Modelo Aretoan izango da bihar, 18:30etik aurrera; Amaia Iturriotz, Oihana Bartra eta Xabat Galletebeitia ariko dira bertsotan. Sarrera doakoa da, baina lekua gordetzeko izena eman behar da aurretik www.bertsozale.eus atarian. Oraindik garaiz zabiltza: hemen sakatuta eman dezakezu izena.

Bertsolariaren erabakimena izango du gai biharkoak. Hala aurreratu du Bertsozale Elkarteak: "Bertsolariak erabaki dezake zer kantatu. Erabaki dezake gaiari nondik heldu eta unean-unean norantz jo. Baina oholtzan hartzen diren erabakien artean, denak ez ditu kantatuko dituenak hartzen: Egin dezake planto bertsolari batek? Erabaki dezake norekin kantatu? Nola eta noiz gertatzen dira oholtzako erabakiak? Zertan oinarritzen dira? Zein leku du bertsolariaren aldarteak edo gogoak saioaren norabide aldaketan?".

Donostian, Bilbon eta Gasteizen izan dira Gerturatu Eta Lauren aurreko saioak. Ohiko bertso saioaz harago, eta zalearen parte-hartzea bultzatuta, esperimentaziorako aukera ere eman nahi izan du ekimenak.

Albiste gehiago

Larunbatean 21:00etan ETB1en 2026-05-15

Bihar amaituko da Zarautzen Gerturatu Eta Lau

Albiste gehiago

'1tz4l1 eta P1ztU', Zarauzko jaialdia eta Xabi Paya gonbidatu Hitzetik Hortzeran

«Gazteon gaiak bertsotara eraman eta hain bertsozalea ez den publikoarekin konektatzea bilatzen dugu»

«Bertsotarako gogotsu nago»

Aitor Sarriegiren bertso ibilbidea Hitzetik Hortzeran

Araba final berri eta ireki baten aurrean

«Bertsolari baten sormen prozesua irudikatu nahi izan dut antzerkiaren begietatik»