Bertso Udalekuak 2021-05-25

"Osasuna zeharlerro bezala markatzea erabaki dugu aurten"

Iaz pandemia dela eta, bertan behera geratu behar izan ziren udalekuak baina aurten aurrera egitea erabaki dute. Gaur egun bizitzen ari garen egoerak halabeharrez eragindu du erabakian eta aldaketa ugari izango ditu aurtengo udalekuen edizio honek.

Hitzetik Hortzeran aurkezle lanetan aritzeaz gain, Bertsozale Elkarteak antolatzen dituen Bertso Udalekuen ardura ere izan du aurten Eider Perez-ek. Bertso Udalekuen dimentsioa, aurtengo aldaketa eta moldaketa nagusiak, eta beste hainbat konturi buruz aritu gara solasean berarekin.

Eman izena!

Gaur zabaldu da bigarren izen-emate aldia. Pasa den astera arte, bertso-eskolako kideek edota gurasoetako bat Bertsozale Elkarteko bazkide dutenek eman ahal izan dute izena, baina gaurtik aurrera interesatua den orok eman ahalko du izena. Beraz, udalekuotan parte hartu nahi duenak maiatzaren 31ra arte izango du izena emateko aukera; 10:00etan itxiko da izen-emate epe hau ere. 

Oraindik lekuak gelditzen dira beraz ez galdu aukera eta eman izena 2021eko Bertso Udalekuetan, hemen.