Sarean 2021-06-18

Ezohiko bertso urteak ere badu Bapatean

Ia 600 bertso transkribatuta nahiz entzuteko moduan jasotzen ditu Bapatean 2020 lanak, bertso plazaren inguruko datuak erakusteaz gainera. Zale guztien eskura dago bdb.bertsozale.eus atarian.
[Bideoan, Bapateanen ekoizpena azaltzen lantaldeko kideak. 2019-07-23, Amasa-Villabona]

Ezohiko urtea izan arren, 2020ak ere izan zuen bertsotik; eta horiek bilduta osatu da urtero kaleratzen den Bapatean bertso bilduma. Aurrekoarekin egin bezala, aurten ere bdb.bertsozale.eus atarian jarri da, bertsozale ororen eskura.

54 bertso saiotatik 84 bertsoalditako 598 bertso daude transkribatuta, gai, doinu eta ohiko informazio guztiarekin. Bertsoaldiak irakurtzeko ez ezik, entzuteko aukera ere badago. Iazko urtearen isla, online saioak daude tartean eta ohi baino libreko saio gutxiago.

Bilduma osatzeko, Xenpelar Dokumentazio Zentroan jasotako informazioa, grabazioak eta horien fitxak baliatu dira. "Gainera, jende askoren lanaren emaitza da liburu hau; borondatezko grabatzaileen zerrenda luzea dela azpimarratu nahi dugu, eta, beraz, guztioi eskerrak eman, zuei esker sortzen baitira bertsolaritza dokumentatuta geratzeko bildumak", azaldu du Bertsozale Elkarteak.

"Bertso plaza. Zer hintzenan eta non hago! Ongi bistan gelditu zaizkin joskurak", dio Julio Sotok irakurleari ongietorria egiteko idatzi duen hitzaurreak. Joskurak bistan geratu diren urtekoak, Bapatean 2020 lanean.

*Audio guztiak deskargatzeko moduan jaso nahi badira, idatzi eskaera eginez xenpelar@bertsozale.eus helbidera.

Albiste gehiago

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

Ā«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorezĀ»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin

Mirari Martiarenak elkarrizketatuta 2024-02-26

Miren Izagirre musikologoa bertso doinutegiaz