Xilaba 2021-06-21

Badator XILABA 2021

Badator XILABA 2021
Iaz bukatzerik izan ez zen txapelketa ahaztu eta berriz hutsetik abiatuko dira Xiberua, Lapurdi eta Baxenabarreko bertsulariak. Finala azaroaren 13an izango da Donibane Lohizunen.

Bertsularien Elkarteak datorren udazkenean XILABA 2021 jokatuko dela iragarri du. Guztira 8 saio izango dira eta aurrenekoa irailaren 18an izango da Makeako Herriko Gelan. Finala, azaroaren 13an, Donibane Lohizuneko Jai Alain. Ondorengo saioen berri eta saio bakoitzean zein bertsolarik abestuko duen laster egingo duten aurkezpenean zehaztuko dute.

"Iazko urtean finitzerik izan ez genuen txapelketa ahantzi eta berriz plazak hartzera aterako gara, oraingoan burura eramanen dugun esperantzarekin" adierazi du Bertsularien Elkarteak.

Azkenengotik aldaketa batzuk izan ondoren, oraingo honetan 24 bertsolarik hartuko dute parte guztira:  Aitor Servier EtxexuriAmets Arzallus AntiaBittor ThicoïpeEgoitz ZelaiaGillen HiribarrenIker AltunaIrati Alcantarilla UrdanpilletaJohaine SarrailletJosu Txoperena Iribarren, Karlos Aizpurua EtxarteKerman DiazMaddalen Arzallus AntiaMaddi Ane Txoperena IribarrenMaddi Sarasua LaskaraiMaindi Murua BerraMiren Artetxe Sarasola, Mizel MateoOdei Barroso GomilaOier UrreiztiPatxi Iriart HiribarrenPettan PrebendeRamuntxo ChristyXan Alkhat eta Xumai Murua Berra.

Iazko saioetako bertsoaldi batzuk hemen aurkitu ditzakezue.

Albiste gehiago

POTOKASTAK - BERTSO UHINAK 2020-06-15

Gasteizko teilatu gainean etzanda

POTOKASTAK - BERTSO UHINAK 2020-06-07

Uhinak azulejo txurietan

POTOKASTAK - BERTSO UHINAK 2020-06-01

Nolako zapatillak erabiltzen dituzu etxean egoteko?