Uztailean 2021-07-05

3, 2, 1,... hasi dira Bertso Udalekuak!

2020ko urtean txanda-pasa eginda, azkenean iritsi dira horrenbeste igurikitako Bertso Udalekuak.

Osasun neurriak aintzat hartuta eta protokoloa zehaztuta, Bertsozale Elkarteak talde txikiagoak osatu ditu aurten, baina txanda gehiago izango dira: Sopelan, Beizaman, Uitzin, Amaiurren eta Irañetan elkartuko dira 181 gazte eta 44 hezitzaile. Uztailean izango dira txanda guztiak.

Uztailaren 2an hasi ziren Sopelan eta egun bat geroago Beizaman. Beizamako bigarren txanda eta Uitziko lehena ere aste honetan hasiko dira.